97Sed hoc extremum eorum est: postulant ut excipiantur haec inexplicabilia. tribunum aliquem censeo videant; a me
istam exceptionem numquam inpetrabunt. etenim cum
ab Epicuro, qui totam dialecticam et contemnit et
inridet, non inpetrent ut verum esse concedat quod
ita effabimur 'aut vivet cras Hermarchus aut non
vivet', cum dialectici sic statuant, omne quod ita
-- --
disiunctum sit quasi 'aut etiam aut non' <non> [Note] modo
verum esse sed etiam necessarium (vide quam sit
cautus [Note] is quem isti tardum [Note] putant: 'si enim' inquit
'alterutrum conoessero necessarium esse, necesse erit
cras Hermarchum aut vivere aut non vivere; nulla
autem est in natura rerum talis [Note] necessitas') — cum
hoc igitur dialectici pugnent, id est Antiochus et
Stoici; totam enim evertit dialecticam: nam si e contrariis disiunctio (contraria autem ea dico, cum alterum aiat [Note] alterum neget) — si talis disiunctio [Note] falsa
potest esse, nulla vera est.
98mecum vero quid habent
litium, qui ipsorum disciplinam [Note] sequor? cum aliquid
huius modi inciderat, sic ludere [Note] Carneades solebat:
'si recte conclusi, teneo; sin vitiose, minam [Note] Diogenes [Note]
,reddet'; ab eo enim Stoico dialectica [Note] didicerat, haec
autem meroes erat dialecticorum. sequor igitur eas
vias quas didici ab Antiocho, nec reperio quo modo
iudicem 'si lucet, <lucet>' [Note] verum esse ob eam causam
quod ita didici, omne quod ipsum ex se conexum sit
verum esse, non iudicem 'si mentiris, mentiris' eodem
modo esse [Note] conexum: aut igitur hoc ut [Note] illud, aut nisi
hoc ne illud quidem iudicabo.
ch. 31
Sed [Note] ut omnes istos aculeos et totum tortuosum
genus disputandi relinquamus ostendamusque qui simus, iam explicata tota Carneadis sententia Antiochea [Note] ista conruent universa. nec vero quicquam
ita dicam ut quisquam id fingi suspicetur; a Clitomacho sumam, qui usque ad senectutem cum Carneade
fuit, homo et acutus ut Poenus et valde studiosus
-- --
ac diligens; et quattuor eius libri sunt de sustinendis
adsensionibus, haec autem quae iam dicam [quae [Note]] sunt
sumpta de primo.